„Најубавата приказна што ни се случи“: Миро и Ивана Кацаров благодарни за синчето кое полни 4 месеци

Миро и Ивана Кацаров се благодарни за нивното прво заедничко дете, синчето Тадеј, кое вчера наполни 4 месеци.

Македонскиот водител и поранешната одбојкарка споделија преслатки фотографии од малото момче чие име „симболизира храбро срце“, како што ни објасни Ивана во интервју.

Во описот, тие напишаа:

4 месеци среќа, радост, љубов и најубавата приказна што ни се случи 💙♥️

Слава тебе Господе 🙏

На дел од фотографиите, Тадеј се топи во прегратката на Мама и Тато, а на една од нив се гушка со сестричката Миа, која Ивана ја има од првиот брак, а која Миро ја гледа како своја ќерка.

Пред породувањето, за Фемина, Ивана сподели дека токму Миа била највозбудена за доаѓањето на Тадеј на овој свет.

„Миа е најнестрплива. Секој ден ми го бакнува стомакот, редовно го црта братчето како се шетаат за рака и подготвува книги од кои ќе му ги чита за Тадеј мирно да си спиел“ – рече тогаш Ивана, па разбирливо е зошто сега Миа не се дели од братчето.

Миро и Ивана стапија во брак во септември 2023 година.