Почина најстариот човек на светот.
Неколку недели пред да наполни 115 години, Хуан Винсенте Перез Мора од Венецуела го напушти овој свет. Имаше 114 години и 311 дена. Тој зад себе остави 11 деца, 42 внуци, 18 правнуци и 12 праправнуци.
Како што објавија од Гинисовата книга на рекорди, Хуан својата долговечност ја препишувал на „трудољубивоста, одмарањето за време на празниците, раното легнување навечер, љубовта кон Бог и носењето на Бог во срцето“.
Хуан е роден на 27 мај 1909 година. Тој беше во брак со сопругата Едиофина цели 60 години пред таа да почине во 1997 година. Заедно имаа шест синови и пет ќерки.
