Најслатката прегратка: Новак Ѓоковиќ ги гушка синчето Стефан и ќеркичката Тара по големата победа во Париз
Новак Ѓоковиќ го освои Мастерсот во Париз, но најслаткиот момент кој ги згреа срцата на неговите фанови се случи непосредно откако тој го победи Данил Медведев.
Српскиот тенисер со широка насмевка се упати кон трибините за да ги прегрне неговите најважни обожаватели – синот Стефан и ќерката Тара. Фотографиите и видеата од семејната средба примамуваат купишта пофалби.
„Отсекогаш сонував моите деца да ме гледаат од трибини и да бидат доволно возрасни за да разбираат што се случува. Децата ми се најголем успех, најголемо богатство“ – изјави Ноле за Tennis Channel.
„Каков ден, каква недела. Благослов по благослов. Моите љубови, двете мои деца беа сведоци на овој момент. Круна на долгогодишна напорна работа. Мојот неверојатен тим. Фантастични мечеви. Многу спомени кои ќе ми останат. Благодарен сум што ќе однесам дома уште едно дрво во шумата каде што спие волкот“ – напиша 34-годишниот тенисер на Twitter.
