Најсилната поддршка: Дејвид Бекам со дотераната ќерка Харпер и синовите Ромео и Круз на ревијата на Викторија

Викторија Бекам секогаш има огромна поддршка од семејството на сите свои модни ревии.

Модното шоу во Париз не беше исклучок. 50-годишната дизајнерка ги имаше покрај себе своите најмили. Ревијата од првиот ред ја проследија нејзиниот сопруг Дејвид и нивните три деца Харпер, Круз и Ромео. Момците беа придружувани од своите девојки.

Ромео беше придружуван од Ким Тарнбул, а Круз од Џеки Апостел.

„Шефицата... Многу се гордееме со тебе. Твоите страст и мотивираност нè восхитуваат секоја сезона и засекогаш ќе те поддржуваме во твоите соништа. Те сакаме“ – напиша Дејвид на Instagram.

Викторија и Дејвид стапија во брак во 1999 година и заедно имаат четири деца. Само Бруклин не присуствуваше на ревијата.