„Најголемиот подарок е син ми“: Марија Шерифовиќ со синчето во рацете на фотографиите за 40-тиот роденден
Марија Шерифовиќ денес полни 40 години.
За да го одбележи овој јубилеј, српската пејачка сподели две фотографии со синчето Марио, кое го смета за најголемиот подарок од животот досега.
На едната фотографија, Марија и Марио се на плажа, а на другата носат златни роденденски капи додека стојат на балкон.
Еве го текстот од нејзината објава:
Четириесет години... Патување исполнето со предизвици и победи!
Секоја година ми даваше нешто скапоцено – лекции, љубов, сила, а понекогаш и тишина која ме потсети на тоа колку е важно да застанам и да бидам благодарна.
Но, најголемиот подарок кој животот можеше да ми го подари е мојот син. Мое сонце и најубави зраци. Мој мал Прц и Принц. Мој мал учител. Тој е причината поради која секој момент добива длабоко значење.
Ти благодарам животе на сите искуства, на сите луѓе кои поминаа низ мојот свет, на секој момент кој ме обликуваше. Оние кои го сочинуваат мојот живот денес се сè што ми треба.
Нека следните четири децении бидат уште подлабоки и поблиски до она што навистина значи да се живее. На секој чекор, со благодарност во срцето.
На здравје,
Со љубов, М
Марија стана мајка во декември минатата година со помош на сурогат-мајка. Оттогаш постојано споделува колку е среќна со синчето Марио.
