„Најдобриот татко без сомнеж“: Сања Николиќ за Слаткар откако тој низ солзи изјави дека не сака нивниот син да пелтечи

Слаткар гостуваше во емисијата „Полиграф“ на Стефонатор во која јавните личности одговараат на прашања додека се поврзани на вистински полиграф.

Македонскиот рапер се отвори на теми поврзани со неговиот татко, со музичката кариера, со синчето Моша, како и соработките со други колеги.

Кога беше запрашан дали има нешто што не сака Моша да го наследи од него, тој најпрво се обиде да го избегне одговорот.

„Да, не сакам да пелтечи“ – искрено одговори Слаткар бришејќи си ги солзите.

ВИДЕО:

Македонскиот музичар зборуваше и за песната „Да полетам“. Тој изјави дека овој голем хит денес го погодува многу повеќе отколку на денот кога го напиша, затоа што како што вели: „Тоа беше зрела песна напишана од едно во тоа време незрело дете“.

Слаткар изјави и дека не се чувствува дека го разочарал татко му, признава дека смета дека македонските артисти не се доволно ценети и откри дека не бил подготвуван дует со ДНК, пред смртта на Панчо и Андреј.

Сања Николиќ, која е во брак со Слаткар од 2014 година, го сподели линкот до ова видео на Instagram Story и напиша: „Најдобриот Татко без сомнеж“.