„На истиов датум, ем најголема радост, ем бескрајна тага“: Игор Џамбазов скршен од тага на годишнината од смртта на мајка му
Игор Џамбазов со посебна љубов го чува споменот на родителите, а секоја годишнина од нивното заминување кај него буди силни емоции.
Денес, на 29-годишнината од смртта на мајка му Анче Џамбазова, тој сподели емотивна порака посветена на неа и откри дека истиот датум некогаш го славеле како годишнина од нејзината свадба со сопругот Александар Џамбазов.
„29 години без мојата Анче...
64 години од нивната свадба.
На истиов датум, ем најголема радост, ем бескрајна тага. Животиште....“ – напиша Игор за легендарната македонска актерка.
Анче почина на 30 септември 1997 година во Скопје, на 55-годишна возраст. Таа беше ќерка на легендарниот актер Петре Прличко и остави траен белег во македонската глумачка сцена, особено со улогите во „Мирно лето“ и „Македонски народни приказни“.
