На 44 години, по три родени деца, Адријана Лима сè уште е кралица на шоуто на Victoria’s Secret

Адријана Лима повторно го осветли најгламурозниот подиум на светот, ревијата на Victoria’s Secret, покажувајќи дека сé уште е кралица на модното шоу.

44-годишниот бразилски супермодел синоќа во Њујорк дефилираше на пистата по 20-ти пат и изгледаше неверојатно во две атрактивни изданија со ангелски крилја. Нејзиниот изглед воопшто не издаваше дека има родено три деца.

Лима во интервју пред шоуто откри дека се чувствува енергично и дека е пресреќна што повторно е таму.

„Ја враќам енергијата на Лима – забавна, енергична, отворена и желна да се поврзе со сите околу неа. Забавна и среќна цело време“ – изјави таа.

Лима, која беше заштитно лице на брендот од 1999 до 2018 година, е мајка на две ќерки и посакува еден ден да чекори заедно со нив на пистата. На прашањето со кого би сакала да ја дели пистата, Лима одговорила: „Со моите ќерки“.

Во време кога модниот свет се менува со брзина на светлина, Лима испраќа силна порака до новите генерации модели: „Бидете свои. Не се плашете да го покажете вашиот карактер“.