Му велеле дека личи на Рајан Гослинг, па ја покани Ема Стоун на матура со видео инспирирано од „La La Land“

Бидејќи многумина му велеле дека личи на Рајан Гослинг, Џејкоб Стоденмајер одлучи да ја покани Ема Стоун да му биде партнерка за матура. 17-годишниот тинејџер смисли креативен и музикален начин за да го привлече вниманието на 28-годишната Оскаровка.

Забавното момче се инспирираше од последниот заеднички филм на Стоун и Гослинг, „La La Land“, кој собра десетици награди на холивудските манифестации.

Во видеото, Џејкоб ја пресоздава првата сцена од мјузиклот со помош на свои пријатели и ја изведува песната „Another Day of Sun“, но во преработена верзија.