Му прогнозирале дека нема да живее подолго од година, сега маж со Даунов синдром со прекрасна фотосесија прослави 65-ти роденден
Маж со Даунов синдром ги надмина очекувањата на докторите и го прослави 65-тиот роденден.
Кога се родил Бади, на неговите родители им било кажано дека тој нема да го надживее првиот роденден. За среќа, докторите не биле во право и денес тој е средовечен маж кој продолжува да му се радува на животот.
По повод 65-тиот роденден, Бади сними фотосесија заедно со момченце со истото нарушување како него, кое му даде подароци и позираше со табла со натпис „Малкуте среќници“.
Фотографиите ги објави фотографката Британи Кук, која застана зад објективот. Накратко, таа ја раскажа животната приказна на Бади:
Запознајте го Бади.
Кога се родил, докторите му рекле на неговите родители дека тој нема да го надживее својот прв роденден. Вчера, Бади го прослави својот 65-ти роденден!!
Тој обожава поп, неговото радио и Џони Кеш.
Вчерашното попладне го поминав со Бади и неговото семејство, а тоа ми го наполни срцето со среќа.
Шлагот на тортата беше...
Едно од моите омилени момченца намина да се запознае со Бади и да му подари неколку подароци! Тие несомнено се „Малкуте среќници“!
Момченцето на фотографиите, Сјутон, е Instagram ѕвезда која ја подигнува свеста кај луѓето за лицата со Даунов синдром. Неговото мото е: „Во свет во кој можете да бидете сè што ќе посакате, бидете љубезни“.
