Зухаир Мурад нè води на ноќна прошетка низ тајната градина на неговата имагинација.
Либанскиот дизајнер со фотосесија ја презентираше колекцијата за сезоната есен 2024 насловена „Мрачна романтика“ (Dark Romance).
„За колекцијата, инспирацијата се излева надвор од границите на реалноста, воведувајќи нè во тајната градина на креаторот. Облеана со страст и смелост, колекцијата ја доловува волшебната суштина на розите со нивниот опоен парфем и брановидните арабески на величествените порти. Тоа е колекција која слика пејзаж на безвременска убавина“ – стои на сајтот на модната куќа.
„Во палетата доминираат црвената и црната боја, но исто така и белата, металик-сината и виолетовата. Колекцијата зрачи и ја слави женственоста која сака да биде забележана дури и на самрак“ – пишува во описот на колекцијата.
