„Само затоа што не се случува тука, не значи дека не се случува“ – порачува видеото кое е дел од нова кампања на организацијата „Save the Children“.
Видеото е направено според популарниот концепт „по една секунда дневно“. Започнува и завршува со девојче кое го прославува својот роденден – пред почетокот на војна и за време на војна во Лондон.
Целта на кампањата е да се сврти вниманието на јавноста кон Сирија и тригодишната војна која досега одзеде над 11.000 детски животи и принуди над 1,2 милиони деца да станат бегалци.
Видеото беше објавено пред два дена, а веќе има над 10,5 милиони прегледувања на YouTube.