„Мојот синоок принц“: Марија Шерифовиќ сподели фотографија од крштевката на синчето Марио

Марија Шерифовиќ направи крштевка за своето синче Марио. Познатата српска пејачка сподели фотографија од церемонијата во црквата „Св. Великомаченик Димитриј“ во Нов Белград.

„Вчера го славевме Василиј Острошки, со тоа и мојот прв Ден на мајката, но и крштевањето на мојот мал синоок мек памук принц. Стана Божјо дете и нека те чуваат Бог и Свети Василиј од секакво зло, а јас од тагата и луѓето“ – напиша Шерифовиќ.

Шерифовиќ го доби синчето со помош на сурогат-мајка во декември минатата година. Таа призна дека претходно се обидувала самата да износи бременост, но не успеала.

Марија не открива кој е таткото на Марио, но вели дека кога тој ќе порасне, ќе дознае сè што треба.