„Моја гордост, те сакам“: Здравко Чолиќ наполни 72 години, ќерката Уна му честиташе со заедничка фотографија

Здравко Чолиќ вчера наполни 72 години.

Балканската музичка ѕвезда доби специјална честитка од поголемата ќерка Уна. 21-годишната девојка на Instagram објави нивна заедничка фотографија, а во описот напиша:

„Среќен роденден на најдобриот татко! Моја гордост, те сакам“.

Уна на популарната социјална мрежа ја следат повеќе од 42 илјади фанови.

Чолиќ е роден во 1951 година во Сараево. Од мали нозе тој покажувал интерес за музиката, а првата музичка група со која настапувал била Амбасадори. Денес тој е еден од најслушаните и најбараните музичари на југословенските простори.

Здравко стапи во брак со Александра Алексиќ во 2001 година и заедно имаат две ќерки – Уна и Лара.