Ели Сааб создаде уште едно хармонично ремек-дело.
Со новата колекција висока мода, либанскиот дизајнер сака да ја долови обновената радост на животот по турбулентното време во неговиот роден град Бејрут.
„Сакав да ја изразам среќата што ја донесе мирот и желбата уште еднаш да ја прославам убавината. Модата може да пренесе моќна порака за позитивност, надеж и хуманост“ – истакнал тој.
Колекцијата „Portrait of a Dream“ беше презентирана во „Palais de Tokyo“ во рамките на Париската недела на високата мода. Сааб ги транспортираше своите гости во волшебна градина опкружена со најимпресивните дела на уметници како Винсент ван Гог, Клод Моне и Камиј Писаро.
Ангелите на Victoria’s Secret, Кендис Сванапул, Џоан Смолс, Роми Стријд и Стела Максвел беа дел од манекенките кои ги презентираа креациите.
