Зорана Јовановиќ е најпопуларната модна блогерка во Србија. 26-годишната девојка веќе шест години споделува модни совети, како и трикови за шминкање, со своите обожаватели.
Славната блогерка од нашето соседство смело комбинира неспоиви парчиња облека, а за изостреното чувство за стилизирање заслужни се како нејзината љубов кон модата, така и студиите на отсекот за дизајн на Академијата дел Лусо во Милано.
Блогот, насловен Zorannah's Fashion Corner, таа го создала во 2011 година, кратко време по смртта на нејзиниот татко.
Зорана тврди дека е поважно да имаш убави обувки и чанта отколку облека, бидејќи смета дека тие се основа на секој аутфит.
Модерната Србинка е редовна гостинка на модните недели, има издадено своја книга, а сега дизајнираше и своја колекција во соработка со NA-KD.
