Блејк Лајвли е холивудска ѕвезда која континуирано нижи стилски погодоци. 30-годишната актерка деновиве активно го промовира својот најнов филм „All I See Is You“, па по тој повод, гостуваше во неколку емисии.
Во шоуто на Џими Фелон, славната сопруга на Рајан Рејнолдс се појави во креација во лаванда боја. Асиметричниот фустан е дело на францускиот дизајнер Ролан Муре. Својот стајлинг, Лајвли го надополни со блескави салонки од Кристијан Лобутин.
Убавата филмска ѕвезда изгледаше шармантно во жолта комбинација од Брендон Максвел додека се упатуваше кон студиото на „Good Morning America“.
Подоцна, Лајвли се појави во колоритен фустан од колекцијата пролет 2018 на Оскар де ла Рента и впечатливи „лобутинки“.
Блејк беше фотографирана и во два црно-бели стајлинга.
