Ријана ја краси насловната страница на септемвриското издание на „Harper’s Bazaar“. 32-годишната пејачка и бизнисменка сними едиторијал за популарното модно списание.
Музичката ѕвезда позираше пред фото-објективот на Греј Соренти, носејќи креации од својата модна линија Fenty, како и од брендовите Chanel, Dior, Miu Miu, Bottega Veneta и Max Mara.
Ријана моментално ја промовира својата линија препаративна козметика Fenty Skin, па сними видео во кое ја отстранува шминката и си го негува лицето со дел од производите од новата колекција.
ВИДЕО
Ријана ќе биде ѕвезда во сите септемвриски изданија на „Harper’s Bazaar“ во 26 земји ширум светот.