Магнетска привлечност, одмерен сексапил, шарм, убавина на божица... Дауцен Крус сосем разбирливо се вбројува меѓу најпознатите модели во светот.
Атрактивната Холанѓанка, која денес ќе го прослави својот 32. роденден, првиот чекор во модниот свет го направи во 2003 година. Една година подоцна, таа започна да соработува со Victoria’s Secret, а статусот „ангел“ го доби во 2008 година. Во 2015 година, Дауцен ги симна своите ангелски крилја и го прекина договорот со популарниот бренд за долна облека.
Континуирано таа добива место на листите на модели со највисока заработка на Forbes.
За холивудските свечености, Крус не експериментира многу со својот стил и избира креации кои најдобро го истакнуваат нејзиното фит и обликувано тело. Па, по повод роденденот на славната манекенка, потсетете се на 32 од нејзините најдобри стилски моменти.
