Модерни мајка и ќерка: Викторија Бекам со Харпер во свилени креации на настан на кој доби награда

Викторија Бекам имаше специјална придружба на доделувањето на овогодишните награди на британскиот „Harper’s Bazaar“.

50-годишната дизајнерка на настанот во Лондон се појави со ќерката Харпер која е многу порасната. Двете беа облечени во свилени креации. Викторија шармираше во свилен костум, додека Харпер носеше долг фустан со отсечок под градите.

Викторија ја доби наградата Претприемач на годината, а Харпер се качи на сцената за да ѝ го додели признанието за „иновации во британската и глобалната модна индустрија“.

„Многу, многу се гордеам со тебе. Страшно е да се качиш на сцената пред полн аудиториум, а ти го направи тоа со толку смиреност и елеганција“ – рече Викторија.

Харпер е најмалото од четирите деца кои Викторија ги има со Дејвид Бекам.