Секоја трудница може да изгледа модерно, шик и во чекор со актуелните трендови, а сепак да се чувствува комфорно во својата облека. Блогерката Рејчел Парсел, која е бремена со своето второ дете, постојано споделува стилски совети и модни идеи за идните мајки.
Блогот Pink Peonies, Парсел најпрво го основала со намера да биде нејзин „дневник“, каде ќе го документира својот личен живот. Но, поради големата заинтересираност за нејзиниот стил и облека, блогот беше пренаменет за модни совети и комбинации.
„Дозволете му на вашиот карактер да блесне преку вашиот избор на облека, забавувајте се со тоа и не плашете се да пробате нови работи“ – советува познатата блогерка.
„Никогаш не би ни сонувала дека толку многу жени и млади девојки ќе се заинтересираат за тоа што го носам“ – вели Рејчел.
Како стилски икони на кои се огледува, Парсел ги издвојува Одри Хепберн, Џена Лајонс и Оливија Палермо.
