Модерна елеганција: Шарлиз Терон во бел костум од Диор на премиерата на „Gringo“

Шарлиз Терон е невозможно да помине незабележана на холивудските свечености. 42-годишната убавица крадеше погледи на премиерата на „Gringo“.

На зелениот тепих, Терон се појави во стајлинг кој беше претставен на ревијата висока мода пролет 2018 на Диор.

Модните критичари и обожавателите на холивудската ѕвезда се едногласни дека белиот костум е полн погодок, но се поделени околу комбинацијата на златни сандали со мрежести чорапи.

Шарлиз има главна улога во филмот во кој глумат и Џоел Едгертон, Танди Њутон, Аманда Сејфрид и Дејвид Ојелоуо.