Harper’s Bazaar организира голема забава во рамките на Њујоршката недела на модата, по повод септемвриското издание.
The Weeknd, кој се најде на корицата на списанието, беше специјален гостин и ги забавуваше присутните. 27-годишниот музичар пристигна во „Plaza Hotel“ заедно со својата сакана Селена Гомез.
Додека тој избра повпечатлив стајлинг со блескави детали, неговата придружничка се појави во едноставно елегантно издание. Гомез носеше фустан од модната куќа Valentino, накит од Tiffany & Co., зелена чантичка од Prada и минималистички сандали од Gianvito Rossi.
