Џенифер Лопез неуморно и посветено работи на својата кариера.
50-годишната пејачка и актерка моментално е фокусирана на што подобра промоција на нејзиниот најнов филм „Hustlers“, па ита од емисија во емисија и од премиера на премиера.
За секое свое појавување, Џеј Ло се обидува да изгледа модерно и атрактивно.
За настан во Менхетн, Лопез избра розова комбинација, која вклучуваше тесен комбинезон и долго палто од Alex Perry и бела чантичка од Longchamp.
Портокаловиот фустан кој Џенифер го носеше во емисијата „The View“ повторно е дело на Alex Perry. Креацијата со еден ракав таа ја искомбинира со проѕирни салонки од Jessica Rich.
Во шоуто на Џими Фелон, Лопез се појави во краток црн фустан од Self Portrait и впечатливи сандали од Giuseppe Zanotti.
На Филмскиот фестивал во Торонто, Лопез носеше бел комбинезон од Solace London.
За гостувањето во емисија во „SiriusXM Studios“, Џенифер беше облечена во светла комбинација од Valentino.
Светкавиот комбинезон во кој привлекуваше погледи во Њујорк е дело на Sally LaPointe.
На прикажување на филмот во Њујорк, таа избра џинс комбинација од Balmain и проѕирни обувки од Jessica Rich.
Карираниот фустан со шлиц доаѓа од брендот Monse, чантичката е од Max Mara, а обувките Jimmy Choo.
Темносина креација од Self-Portrait беше моден избор на Лопез за пресконференција во Торонто.
За гостувањето во „Good Morning America“, музичката ѕвезда избра комбинација од Tom Ford и чантичка од Christian Louboutin.
