„GQ“ ја прогласи Бела Хадид за Модел на годината за 2016. 19-годишната Американка присуствуваше на доделувањето на наградите на познатото машко списание за да си ја подигне посакуваната награда.
На црвениот тепих во Лондон, атрактивната манекенка зачекори во елегантна бежова креација со шлиц од Хуго Бос. Стилскиот избор на Хадид за вечерта беше надополнет со сандали од Џими Чу и блескав накит.
Во својот говор, популарната бринета ѝ се заблагодари на својата мајка Јоланда Фостер и изјави дека е среќна што таа е присутна на свеченоста. „Ова е веројатно првпат во четири години мајка ми да е надвор од својот кревет, нашминката и со фризура. Многу сум среќна што е тука“ – рече Бела. На Фостер, која е поранешен модел, ѝ беше дијагностицирана лајмска болест во 2012 година.
Бела со мајка си Јоланда Фостер
Хадид позираше и со познатиот модел со облини Ешли Грем, која ѝ ја додели наградата.
