„Многу го сакам овој дечко“: Ќерката на Брус Вилис сподели фотографии со него додека тој се бори со деменција

Талула Вилис објави нови фотографии со татко си Брус Вилис, кој се бори со деменција.

На една од нив, 69-годишниот актер ја бакнува 30-годишната актерка на главата, а на друга таа го разгледува албумот со насловни страници на кои Брус се појавил низ годините.

„Многу го сакам овој дечко. Тешко е да се чувствуваат чувства, но благодарна сум што дозволувам да поминат низ мене сега, наместо да се исклучувам од нив. Од вечните архиви“ – напиша таа.

Брус ја доби Талула додека беше во брак со Деми Мур, со која има уште две ќерки. Во моментов, тој е во брак со Ема Хеминг. Со неа има уште две помали ќерки.

Холивудската ѕвезда се пензионираше во март 2022 година откако му беше дијагностицирана афазија, а подоцна и деменција.