„Многу е убава“: Шминкерка ја разубави Блага Петреска, фановите одушевени од младоликиот изглед на 79-годишната пејачка
Блага Петреска имаше впечатлив настап со кој ја одушеви публиката на 33. издание на „Охрид фест-Охридски трубадури“.
79-годишната легендарна фолк-пејачка настапи со своја песна, а со неповторливиот глас и препознатливата харизма, освои награда за најдобра интерпретација на фестивалот.
За ова појавување таа избра елегантен тегетен фустан со чипкани детали и минималистички накит. За нејзината шминка се погрижи охридската мејкап артистка Мери која објави прекрасни фотографии од музичарката.
Денес имав огромна чест и привилегија да ја нашминкам прекрасната Блага Петреска – македонска пејачка на изворни и новокомпонирани песни, естраден уметник и една од најмоќните вокални интерпретаторки на македонската музичка сцена. ❤️ Блага Петреска 🎤
Блага е уметник со глас, емоција и неповторлива харизма. А за мене оваа средба има и посебна, емотивна вредност – пораснав со нејзините песни, со нејзиниот глас и музика која оставила трага во моето детство и во моите спомени. ✨
Денес, од голема љубителка на нејзината музика, имав чест да бидам дел од нејзината убавина и подготовка.
Чест и задоволство е да се нашминка жена чиј глас е дел од македонската музичка историја. ❤️🇲🇰
Блага, Ви благодарам за довербата и за прекрасната чест! ✨
Објавата доби речиси 5.000 лајкови и многу позитивни коментари за младоликиот изглед на Блага која е пред прагот на деветтата деценија. Еве некои од нив:
„БЛАГА си има природна убавина ( од внатре и од надвор), а со шминката уште поубава.“
„Браво убава жена со убави црти и нашминкана уште е поубава, браво стварно е прекрасна секоја чест за вас си ја знаете работата. Не е нападно него многу убаво изгледа на неа секако да е на 30 години бравоо❤️☘️“.
„Одлично сработено, браво...но она што е многу поважно - кај нашата Блага Петреска , има природен "материјал" за да биде како кукла 😘😊🤗“.
„Нема старост за Блага секогаш убава и позитивна,браво за Блага“.
„Мила и драга Блага, вчера на фестивалот зрачеше од убавина, значи немам зборови“.
