Ангелина Лилиен нуди стилска инспирација за потоплата сезона.
28-годишната берлинка ја следат повеќе од 570 илјади лица на Instagram. Заслужни за тоа се нејзините младешки модни комбинации и како што вели таа „позитивноста и природниот изглед“.
Ангелина ги инспирира обожавателите со стајлинзите, ги носи на нејзините патувања и поставува нови трендови во светот на модата и убавината.
Нејзиниот успех на Instagram се родил сосема случајно на крајот на 2015 година. Додека била на патување во Њујорк, направила впечатливи фотографии и една по една ги објавувала на профилот... Потоа, продолжила да го прави истото и во нејзиниот роден град, Берлин, а бројот на следбеници постојано растел.
За одлуката да ја напушти претходната работа за да се фокусира на создавање содржини на социјалните мрежи, таа вели: „На почетокот бев многу загрижена. Точно се сеќавам кога ѝ кажав на мајка ми со плачење, бидејќи не знаев дали е тоа правилната одлука. Денес, можам да кажам дека тоа беше најдобрата одлука која некогаш сум ја донела“.
Запрашана што една девојка секогаш треба да има во својот плакар, Ангелина рекла: „Во мојот плакар не смеат да недостасуваат кожна јакна, долг мантил, бојфренд фармерки и патики. Секогаш сметам дека тие изгледаат стилски и се супер удобни“.
