Новата, нагласено витка силуета на Мишел Обама повторно распали шпекулации дека поранешната прва дама користи Оземпик или други модерни медикаменти за слабеење.
Обама на Инстаграм објави ексклузивни снимки од фотосесијата со светски познатата фотографка Ани Либовиц, за која позираше во едноставна, но шик комбинација.
„Ани отсекогаш знаела дека фотографијата може да направи повеќе од тоа да го овековечи моментот – таа може да испрати порака. Нејзината книга ‘Women’ го направи токму тоа, проширувајќи ја нашата перспектива за жените и нивните животи низ нејзините леќи“ – напиша Обама.
Но, освен пофалби, фотографиите привлекоа и бран шпекулации за тоа како Обама успева да ја одржи формата на 61-годишна возраст. На платформата „X“, корисници директно тврдат дека таа користи „Оземпик“ или други медикаменти за слабеење. „Или Оземпик, или личен тренер и строга диета… но Оземпик е полесен начин“ - е еден од коментарите.
Портпаролот на Обама не одговорил на барањето за коментар, а таа никогаш јавно не признала употреба на „Оземпик“ или други слични терапии.
Поранешната прва дама во 2022 година отворено говореше за тоа како менопаузата влијаела на нејзината телесна тежина.
„Никогаш не се мерев редовно, но за време на менопаузата го имате тој бавен раст на килограми кој и не го забележувате. Одеднаш не те собираат фармерките од минатата година“ – изјави таа.
Во поново интервју, популарната авторка порача дека шеесеттите години од животот ги доживува како „прекрасен период“, нагласувајќи дека здравјето отсекогаш ѝ било приоритет.
„Животот сега ми е полн со енергија. Не сум болна, не ме боли ништо – чувствувам дека сум витална како никогаш досега“ – рекла Обама.