Крунисана е новата Мис на светот! Харизматичната претставничка на Венецуела, Ивиен Саркос, најмногу се истакна меѓу 122 убавици од цел свет и ја понесе посакуваната титула.
Венецуелката, која ги изгубила своите родители уште кога била мала, а сонувала да стане калуѓерка, беше прогласена за Мис на светот 2011.
Мис Венецуела
22-годишната убавица, облечена во раскошна розова тоалета, со солзи во очите ја прими круната од минатогодишната победничка, Александрија Милс.
Александрија Милс ја круниса новата победничка
„Победата ми значи сè... Прво и основно сакам да им помагам на луѓето на кои им е потребна помош. Сакам да им помагам на луѓе како мене. Јас сум сирак. Исто така би сакала да им помагам на постарите луѓе и на проблематичните тинејџери. На колку што е можно повеќе луѓе. За жал, јас ги загубив двата мои родители кога бев многу мала, поради што учев пет години во женски манастир. Таму поминав пет години и мојот сон беше да станам калуѓерка“ – изјавила среќната победничка.
Претставничката на Филипини, Гвендолин Руас, е прогласена за прва придружничка, а третопласирана е Мис Порторико, Аманда Перез.
Мис Филипини, Мис Венецуела и Мис Порторико
Седумте финалистки беа претставничките на Кореја, Венецуела, Англија, Филипини, Јужна Африка, Порторико и Шкотска.
Седумте финалистки
Мис Кореја, Мис Англија и Мис Порторико
Мис Порторико, Мис Шкотска и Мис Јужна Африка
Мис Јужна Африка, Мис Филипини и Мис Венецуела
Нашата претставничка, 19-годишната Весна Јакимоска, остана на 111-тото место.
Спектакуларниот настан се одржа во Лондон, беше емитуван во 150 држави низ светот, а го следеа повеќе од една милијарда гледачи.