Миранда Кер ги отвори вратите од својот дом во Малибу за „Harper’s Bazaar“. За новото издание на списанието, 33-годишната Австралијка сними фотосесија во куќата во која живее со петгодишниот син Флин.
Шармантната манекенка позираше во креации од Giorgio Armani, Carolina Herrera, Hermès и La Perla, додека беше фотографирана од Даглас Фридман.
„Кога бев дете, поминував многу време во куќата на баба ми. Луѓето влегуваа и излегуваа. Таа секогаш беше во кујната приготвувајќи нешто. Секогаш имаше храна и грицки. Таа свиреше пијано и ние игравме и пеевме. Па тоа беа моите два приоритети. Сакав да имам пијано и одлична кујна, што е секогаш срцето на домот“ – вели Кер.
