Насловната страница на Harper’s Bazaar Австралија повторно ѝ припадна на Миранда Кер. 34-годишниот модел, овој пат позираше со своето милениче, кучето Теди.
Атрактивниот модел се појавува во неколку едноставни комбинации, на кои особено доаѓа до израз масивниот колан. Таа е познат љубител на впечатливи модни додатоци и преферира да го освежува едноставниот изглед со само еден детаљ.
Миранда Кер е веќе 20 години еден од најбараните модели во модната индустрија. Таа е и сопственичка на успешна компанија за органска козметика - „Kora Organics“. Миранда изјави дека таа отсекогаш мислела дека со моделство може да се занимава само краток период. „Иронично, се занимав со тоа веќе 20 години, се трудам премногу и навистина сум посветена на мојата работа. Уживав во тоа, но сега ми се изменија приоритетите. Сакам да сум тука за Флин, и за моето друго дете, ‘Кора’, коeшто е мојата страст“, објаснува ѕвездата.
Миранда Кер е моментално во брак со основачот на социјалната мрежа Snapchat, Еван Спигел. Парот стапи во брак пред четири месеци. Таа го истакна позитивното влијание што го има нејзиниот сопруг врз неа и изјави: „Понекогаш сакаш да се повлечеш навнатре и да не си толку отворен. Јас сум во таа точка од животот. Сакам да го живеам моментот со моето семејство“. Моделот е мајка на 6-годишното синче кое го доби во бракот со Орландо Блум.
