Минималистичка елеганција: Меган Маркл во едноставен фустан и со обетките на принцезата Дијана на гала со принцот Хари

Меган Маркл и принцот Хари присуствуваа на гала во Канада.

Војводата и војвотката од Сасекс беа гости на прославата по повод 40-годишнината од основањето на Фондацијата „Дејвид Фостер“ која се одржа во Викторија, Британска Колумбија.

За свеченоста, 45-годишната Меган избра софистицирана црна креација од канадскиот бренд Грета Константин, а Хари се појави во класичен црн смокинг.

Во минималистичкиот стајлинг на поранешната актерка најголемо внимание привлекоа скапоцените обетки со дијаманти и сафири, затоа што ѝ припаѓаа на принцезата Дијана.

По пристигнувањето, Меган и Хари позираа и со домаќинот Дејвид Фостер и неговата сопруга Кетрин Мекфи, со кои негуваат долгогодишно пријателство.