Милош Биковиќ на скијање со саканата и синчето: „Го оперирав коленото, не знаев дали ќе можам да скијам, но...“
Милош Биковиќ уживаше на скијање со саканата Ивана Малиќ и малото синче Василије.
38-годишниот српски актер сподели видео во коешто танцува на планина и напиша дека пред помалку од една година имал втора операција на коленото и дека не знаел дали ќе може да скија. За среќа, сè поминало во најдобар ред и тој за помалку од две недели поминал повеќе од 500 километри скијајќи.
Во вакво расположение го завршувам мојот одмор на планина... Пред помалку од една година имав втора операција на коленото. Не знаев дали воопшто ќе можам да скијам. За две недели поминав повеќе од 500 километри со лесно темпо 💪 11 сончеви дена на скијање.
Задоволен сум од резултатот, имајќи предвид дека ова е прво патување по повредата на коленото. Фала му на Бог, сè помина успешно. Постепено се враќам во полна форма. Добро одморен, подготвен за работа - напиша Милош.
И Ивана сподели фотографии од зимскиот семеен одмор.
Милош и Ивана се заедно од 2021 година, а во јануари 2024 година го добија првото дете.
Биковиќ има делумно македонско потекло. Неговиот дедо е роден во Берово.