„Ми летна кровот од куќата“: Боки 13 остана без кров на куќата во невремето во Скопје, сподели видео од моментот

Бојан Јовановски остана без кровот на неговата куќа. 39-годишниот водител и пејач сподели видео од моментот кога силниот ветер го откачи и го одвеа кровот.

На Instagram, 39-годишниот водител и пејач сподели видео и фотографија на кои се гледаат последиците од силното невреме, но и моментот кога лимениот кров се откачува од објектот.

„Ми летна кровот од куќата... Да ми узму све! Аааауууууу, не рекле џабе 'пази што ќе отпееш'. Прво ме испокрадоа, сега кровот леташе како фризби. Сè во 100 ПМ! Живците на макс! Сега и без кров сум...“ – напиша тој во описот на една од фотографиите, на која се гледа целосно срушената и превртена лимена конструкција.

„Еве го како леташе мојот кров! Ова мислев дека го има само на филмови, али еве, се случи баш кај мене“ – додаде Боки 13, не криејќи ја фрустрацијата од направената штета.

Минатиот месец, имаше и кражба во неговиот дом.