„Ми изгоре душата“: Пејачот Маријан Стојаноски скршен по ненадејната смрт на 5-годишното синче Петар

Маријан Стојаноски е неутешен по ненадејната смрт на неговото синче Петар.

Малото момче почина на 5-годишна возраст, а денес ќе се одржи неговиот погреб на гробиштата во Крушево-Гумење.

На социјалните мрежи, македонскиот пејач објави видео од изведба на делото „Реквием“ на Моцарт и во описот напиша:

„Ме печи душава од силен оган.“

Во коментарите тој додаде уште неколку трогателни зборови:

„Многу ме печи. Луѓе помагајте ми изгоре душата силно. Каков е овој оган? Што ме гори“.

Само два дена пред смртта на Петар, сопругата на Маријан објави фотографии со трите деца.

Маријан и Наташа имаат и две ќеркички.