Меланија Трамп магнет за погледи во креација од Диор на државната вечера во чест на кралот Чарлс и кралицата Камила

Меланија Трамп блесна во полн сјај на свечената државна вечера во Белата куќа, организирана во чест на кралот Чарлс III и кралицата Камила. 

Првата дама на САД беше вистински магнет за погледи покрај сопругот Доналд. За оваа гламурозна пригода, таа избра елегантна креација од модната куќа Кристијан Диор.

Нежно розовиот фустан без прерамки од високата мода на брендот, Меланија го надополни со долги светли ракавици и софистицирани чевли во ист тон.

Државната вечера се одржа само неколку часа откако кралот Чарлс испиша историја со обраќањето пред Конгресот, станувајќи втор британски монарх на кој му припаднала таа чест по кралицата Елизабета II.

На настанот присуствуваа и бројни познати имиња од светот на бизнисот и модата, меѓу кои Џеф Безос, Тим Кук и Ралф Лорен.

Посетата на кралската двојка на САД е дел од одбележувањето на 250-годишнината од американската независност.

И претходно, Маланија одушевуваше со своите стајлинзи.