Мелани Чисхолм викендов стапи во брак со Крис Дингвол на интимна церемонија во живописниот англиски Лeјк Дистрикт во Англија.
52-годишната пејачка, позната како Мел Си или „Sporty Spice“ од легендарната група Spice Girls, му го кажа судбоносното „Да“ на австралискиот модел и продуцент во минималистичка бела венчаница.
Невестинскиот фустан беше специјално дизајниран од нејзината долгогодишна пријателка и поранешна колешка од групата, Викторија Бекам.
Верна на својот препознатлив „Sporty“ имиџ, Мел Си и на свадбениот ден не се откажа од спортската естетика. За подготовките носеше специјално изработена свилена Adidas наметка, а по свечената вечера, се пресоблече во свилен комплет инспириран од тренерки кој го комбинираше со персонализирани бели Adidas патики.
На свадбата присуствуваа останатите членови на женската група, Мел Би, Џери Халивел и Ема Бантон, кои позираа заедно со невестата на фотографија објавена во Vogue.
За жал, Викторија не можела да присуствува поради обврски во Њујорк.
Пејачката откри дека со Крис се запознала во 2023 година преку апликацијата за запознавање Raya и дека веднаш почувствувала силна поврзаност.
„Искрата беше моментална. Тој стана прекрасно дополнување во мојот и во животот на мојата ќерка. Совршено се вклопи во нашето семејство“ – изјави Мел Си за Vogue.
