Меган Трејнор плаче од среќа на фотографии со кои објави дека го доби третото дете со сурогат-мајка

Меган Трејнор ги изненади фановите со веста дека го прошири своето семејство.

32-годишната пејачка објави дека со сопругот Дерил Сабара го добија третото дете со помош на сурогат-мајка. На споделените фотографии таа плаче од среќа додека го држи бебенцето кое се роди на 18 јануари.

Покрај неа, на фотографиите се и Дерил и нивните два постари сина. 

Нашата ќеркичка, Мајки Мун Трејнор, конечно дојде на свет благодарение на нашата неверојатна, супержена сурогат-мајка. Засекогаш ќе им бидеме благодарни на сите доктори, медицински сестри и тимови кои го направија овој сон возможен.

Во текот на ова патување имавме безброј разговори со нашите лекари и ова беше најбезбедниот начин за да продолжиме да го прошируваме нашето семејство.

Преплавени сме од љубов и пресреќни поради ова драгоцено девојче.

Рајли и Бери се пресреќни и многу возбудени. Тие дури ѝ го избраа нејзиното средно име. Сега ќе уживаме во времето со нашето семејство. Ве сакаме сите.

Трејнор и Сабара стапија во брак во 2018 година.