Меган Маркл во беспрекорно издание за првпат со кралското семејство на балконот на Бакингемската палата

Меган Маркл за првпат застана покрај британското кралско семејство на балконот на Бакингемската палата.

Војвотката од Сасекс мамеше воздишки во дамско издание за прославата по повод 92-риот роденден на кралицата Елизабета II. Нејзиниот стајлинг вклучуваше елегантен фустан од Каролина Ерера и голема шапка од Филип Трејси.

36-годишната војвотка пристигна во кочија со принцот Хари, со кого стапи во брак пред точно три недели.

Минатиот месец, на кралицата Елизабета ѝ била направена операција на катаракта. За роденденот, таа избра светлосин стајлинг.

Церемонијата „Trooping the Colour“ е официјалната прослава за роденденот на кралицата и секоја година се одржува во сабота во текот на јуни и вклучува спектакл на Кралските воздушни сили.

Парадата за овој специјален ден вклучувала над 1.400 војници, 200 коњи и 400 музичари.