Меган Маркл шармантна во цветен фустан покрај принцот Хари на свадбата на внука на принцезата Дијана

Меган Маркл и принцот Хари беа гости на свадбата на неговата братучеда Селија МекКоркодејл.

Војвотката и војводата на Сасекс пристигнаа на свеченоста фатени за раце и насмеани.

За оваа пригода, 36-годишната претставничка на британското кралско семејство избра бел фустан со сини цветови од Оскар де ла Рента, кој чини 5.490 долари. Својот стајлинг Меган го комплетираше со бел моден додаток за коса и бели обувки.

Многумина го искритикуваа стилскиот избор на Меган, а не се малку оние кои коментираат дека таа е бремена со првото дете и дека го крие трудничкото стомаче под широкиот фустан.

Невестата ја носеше тијарата која принцезата Дијана ја носеше на нејзината свадба со принцот Чарлс во 1981 година. Селија е ќерка на сестрата на принцезата Дијана, Лејди Сара МекКоркодејл.