Меган Маркл и принцот Хари споделија видео со необјавени фотографии од свадбата на првата годишнина од бракот
Меган Маркл и принцот Хари ја одбележаа својата прва годишнина со Instagram видео во кое се прикажани необјавени фотографии од нивната свадба.
„Ви благодариме што го направивте споменот за овој ден толку специјален“ – стои во пораката на популарната двојка, која од неодамна е во родителските води.
Кралскиот пар стапи во брак на 19 мај минатата година. На црковната церемонија во „Сент Џорџ“, Меган носеше венчаница од Клер Вејт Келер, која стои на чело на Живанши.
Пред две недели, тие го добија првото дете – синот Арчи.
