Меган Маркл елегантна во црн фустан од Живанши, учествуваше во маорски поздрав со триење на носови

Меган Маркл привлече големо внимание исполнувајќи ја првата кралска должност без принцот Хари по нивната свадба.

37-годишната припадничка на британското кралско семејство присуствуваше на отворањето на изложбата „Oceania“ на Кралската академија на уметности.

Црниот фустан со долги ракави и малата чантичка се дело на Клер Вејт Келер, креативната директорка на Живанши. Обувките се моделот кој стана нејзин препознатлив стилски знак и доаѓаат од брендот Aquazzura.

Меган учествуваше во хонги, традиционален маорски поздрав кој вклучува нежно пристискање или триење на носовите.