Меган Маркл држеше чадор над Хари откако заврна во регион погоден од суша, парот беше освоен од момче со Даунов синдром

Меган Маркл и принцот Хари однесоа посакуван дожд во градот Дабо, Австралија, кој веќе извесно време е погоден од суша.

Поројниот дожд ги израдува локалните фармери и кралската двојка.

Пред да го започне својот говор во кој им се заблагодари на сите за топлиот пречек, 34-годишниот принц одби понуда да му го држат чадорот со зборовите: „Во ред е, ја имам мојата жена“. 37-годишната поранешна актерка со насмевка на лицето го засолни својот сакан од дождот под нејзиниот чадор.

Градоначалникот Бен Шилдс се пошегува со Хари, велејќи му: „Нашиот регион е погоден од ужасна суша, па сме многу задоволни што можете да го носите со себе тоа лошо англиско време.“

Еден од најслатките моменти за време на посетата на Дабо се случи додека парот се поздравуваше со дечиња од локално училиште. Малиот Лук Винсент ги разнежни Хари и Меган подарувајќи им топли прегратки. 5-годишното момче, кое има Даунов синдром, ги погали и брадата и косата на Хари.

„Често тој е ѕвезда на училиште, а сега стана ѕвезда низ целиот свет“ - изјави директорката на училиштето која го придружуваше Лук и појасни дека момчето обожава бради затоа што Дедо Мраз му е омилена личност.

Меган беше облечена во црни фармерки од брендот Outland, бела кошула и сако од колекцијата на нејзината добра пријателка Серена Вилијамс.