Синооката Меган Фокс се вбројува меѓу најубавите жени на светот. За разлика од многу други ѕвезди кои тврдат дека мразат што се нарекувани секс симболи, 25-годишната актерка признава дека не се жали за добиената титула и дека никогаш не би се заменила со непривлечна девојка.
„Живеам добро со мојот имиџ. Не можам да се пожалам. Не би си го заменила местото со непривлечна девојка“ – изјавила таа во интервју за списанието „Jalouse“.
На некои од фотографиите направени за списанието, Меган изгледа како вистинска дама, а на други влегува во улогата на пооткачена личност.
Иако Фокс многу успешно работи и како модел за брендови од класата на Армани, таа вели дека воопшто не сака да позира за фотографии.
„Мразам да се фотографирам. Никогаш не ги гледам, затоа што знам дека ќе сакам да променам сè. Преферирам да не видам ниту една од моите фотографии и да му верувам на фотографот, кој си ја знае работата“ – дополнила таа.
Фокс во интервјуто зборувала и за својата линија. Таа објаснила дека изгубила премногу тежина затоа што се придржувала кон вегански начин на исхрана, но дека сега повторно консумира месо. За да го одржува своето тело, освен што внимава на големината на порциите, Меган вежба по трипати неделно.
