Меден месец кој трае 10 години: Брачен пар без престан патува низ светот од 2012 година
Мајк и Ен Хауард го живеат сонот на многу авантуристи.
Брачниот пар од Америка веднаш по свадбата замина на меден месец, кој трае веќе долги 10 години. Од 2012 година до денес, тие патуваат низ светот и досега имаат посетено 63 земји на седумте контитенти.
„Ние сме Мајк и Ен, двајца Американци кои сфатија дека животот е краток, дека светот е голем и дека вредноста на патувањето е преголема за да чекаат друг ден. Па, кога дојде време за нашиот меден месец, одлучивме да продадеме сè и да тргнеме на патување нив светот. Заминавме на 22 јуануари 2012 година и сме на ‘Најдолгиот меден месец... 10 години и продолжува’“ – стои на нивниот блог.
Мајк и Ен тврдат дека научиле да живеат економично и трошат по околу 50 долари на ден. „Ова не е повеќе одмор, ова е нов начин на живот“ – велат тие.
Извор на приходи им е нивниот блог „HoneyTrek“, како и книгите кои ги имаат издадено и нивната програма за патување Trip Coach.
Вљубените партнери од гостите на свадбата не добиле предмети, туку патувања на различни точки во светот. „Беше одлично, бидејќи нашите семејства и пријателите нè поддржуваа. Тие на некој начин нè испратија на разни места од светот, а ние им испраќавме разгледници од истите тие дестинации“ – велат сопружниците Хауард.
Неодамна, тие објавија видео со снимки од авантурите низ изминатите десет години.
Видео:
Кога имаат услови, Мајк и Ен патуваат со комбе во кое и живеат извесен период.
Десетгодишнината од бракот Мајк и Ен ја прославија во Мендосино, Калифорнија.