„Ме остави без зборови“: Слепа пејачка по вторпат го одушеви Сајмон со неверојатниот глас

Путри Ариани успеа по вторпат да го остави без зборови „строгиот“ судија Сајмон Кауел на „America's Got Talent“.

Слепата пејачка, која на аудициите го доби златното копче од него, во полуфиналињата настапи со „I Still Haven’t Found What I’m Looking For“ од U2 и ги одушеви присутните.

„Ме остави без зборови. Првото нешто што го мислам е колку убав глас имаш. Искрено, поради ова ја работам оваа работа, за моменти како овој“ – рече тој.

Путри се роди слепа, но никогаш не дозволи тоа да ѝ застане на патот кон успехот.

„Никогаш нема да се откажам бидејќи знам дека сум непобедлива, не невидлива. Јас сум способна, јас сум моќна. Јас сум храбра. Јас сум спектакуларна. Верувам дека секој има свој потенцијал“ – има изјавено таа.