Марк Антони го откри полот на неговото ОСМО дете, второ со сегашната сопруга

Два месеци откако ја соопштија веста дека ќе добијат уште едно дете, Марк Антони и Надја Фереира го открија полот на нероденото бебе.

56-годишниот пејач и 26-годишната поранешна Мис Парагвај споделија семејни фотографии со кои споделија дека очекуваат девојче.

Среќната вест ја објавија преку заеднички пост на социјалните мрежи. На фотографиите од албумот, Надја позира со мали розови бебешки чевлички, а во описот стои:

„Изненадување полно со љубов…“.

Парот веќе го има синот Марко, кој се роди во 2023 година.

За Марк, ова ќе биде осмо дете, со оглед на тоа што има деца и од претходните врски и бракови меѓу кои и близнаци со Џенифер Лопез.

Музичката ѕвезда и убавата мисица стапија во брак во јануари 2023 година. Веста за новото бебе доаѓа во период во кој Антони повеќепати истакна дека токму семејството му е најголем приоритет во животот.

„Кога имаш деца, сè доаѓа со чувство на одговорност. Секогаш кога подготвувам настап, се прашувам што би мислеле сите мои деца ако седат заедно и ме гледаат во истиот момент.“

„Сакам да бидат горди на мене и секогаш го земам предвид тоа – што би рекле моите деца ако сите беа во првиот ред. Тоа постојано ми е на ум.“

„Сè што сум направил во животот, го правев мислејќи на моето семејство“ – рекол тој.