Марк Антони го доби ОСМОТО дете, второ со мисицата Надја Фереира која е двојно помлада од него

Марк Антони стана татко по ОСМИ пат.

57-годишната латино ѕвезда го доби второто заедничко дете со 27-годишната сопруга Надја Фереира.

Среќната вест за раѓањето на ќеркичката Мила парот ја сподели преку заедничка објава на Instagram, во која постави и фотографија на која 3-годишниот син Марко нежно ја држи својата новородена сестричка.

„Калку голем благослов е што можеме да го споделиме со вас доаѓањето на нашата драгоцена Мила. Не можете ни да замислите колку сме среќни дома, пресреќни сме“ – напишаа тие.

Малата Мила е осмото дете на Марк, а второ кое го добива со Надја. 

Пејачот има уште шест деца од претходните врски. Со Деби Росадо ги има ќерката Аријана и синот Чејс, со Дајанара Торес ги има синовите Кристијан и Рајан, а со Џенифер Лопез е татко на близнаците Еме и Максимилијан.

Славниот пејач и убавата мисица ја објавија бременоста во јануари годинава, токму на третата годишнина од нивниот брак, а два месеци подоцна открија дека очекуваат девојче.