Жаклин Бракамонтес беше водителка на овогодишното доделување на Латино-американските музички награди.
39-годишната актерка, која сигурно ќе ја паметите по улогата на Марибел во серијата „Руби“, промени шест аутфити во текот на вечерта.
Славната мајка на 5 ќерки изгледаше прекрасно на црвениот тепих облечена во креација од Зухаир Мурад. Својот прв стајлинг, таа го надополни со големи впечатливи обетки од Елена Хименез.
Турскиот дизајнер Тарик Едиз ја потпишува златната креација која Џеки ја облече на почетокот на манифестацијата, додека Хименез повторно беше задолжена за накитот.
Подоцна, згодната водителка се пресоблече во креација од индискиот бренд Khosla Jani.
Впечатливиот комбинезон, кој ја истакнуваше одличната фигура на Џеки, е дизајниран од Мајкл Костело. Впечатливите обетки доаѓаат од брендот Outhouse.
Мексиканскиот дизајнер Бенито Сантос беше заслужен за виолетовата креација.
Последниот стајлинг на актерката вклучуваше комбинезон од Balmain и обетки од Елена Хименез.
